زياد الرحباني يغادر لبنان إلى روسيا... نهائيًا!

02 تشرين الأول, 2014 10:51 ص

64 0

زياد الرحباني يغادر لبنان إلى روسيا... نهائيًا!

زياد الرحباني يغادر لبنان إلى روسيا... نهائيًا!

في تلك الحفلة، طلب الرحباني من الحاضرين تصويرها ونقلها عبر مواقع التواصل الإجتماعي، 'بس من بين 100 شخص صوّروا الحفلة، ما طلعت تاني يوم ولا صورة واحدة على الإنترنت، كأنو كان في مين عم يشوَّش على الحفل عن قصد، وهي مش اول مرة'. قالها الرحباني بمرارة من تأكد ان الخطر يداهمه. وليس الخطر في قاموس الرحباني مرادفًا للموت وإنما هو مرادف للشعور بأنه مُراقب أمنيًا.

الرحباني 'فالل' آخر الشهر، 'فالل' هربًا من هذه المراقبة التي يشرح حيثياتها، تلميحًا حينًا وتصريحًا حينًا آخر. يقول في مقابلة أخيرة إن خلافًا وقع بينه وبين 'الأخبار'، قرأه بالتفصيل على أحد المواقع الإلكترونية، رغم أن المخابرة حدثت حصرًا بينه وبين رئيس تحرير الصحيفة، كتبوا أنه على خلاف مادي مع الجريدة وسيتركها ليعمل مع الروس مباشرة.

وفي حفل الناقورة نفسه، وجه زياد انتقادًا لحزب الله. قال: 'ما بقى فيكُن تغمضوا عيونكُن عن إنو في غيركن بالجنوب. مش تقولوا الأهالي ساعدوا، وكل الجنوب حارب والأهالي وأحبائي، يا أخي في ناس إلُن أسامي فجّروا إذاعة لحد، وفي وحدة إسمها سُهى بشارة فاتت قوَّصت عَ واحد وبدون ولا إعانات من ولا دولة، كانوا يركّبوا العبوة شقفة شقفة ويفجّروها، يعني طريقة بدائية جدًا'، في إشارة إلى الشيوعيين الذين كانوا يقاومون إسرائيل باللحم الحي. ثم يتكلم عن تشويش تعرض له في صور، ولم يكن المشوِّش هذه المرة إسرائيل.

وينادي الرحباني حزب الله قائلًا: 'بتمنى من حزب الله إنو يرد عَ الشي اللي حكينا في، لأنو نحنا متهمين بحزب الله، والعالم تعيّرني بحزب الله'.

يضيف: 'ما عاد فيك تدافع عن حزب الله، التحرير شغلة بالحياة، بس في شي إسمو مجتمع بصور. صور مدينة طبيعية عملنا فيها بالـ 2009 بيتش بارتي برمضان، عَ الإفطار كانت الناس عم تشرب عَ البحر، والصبح رحنا أكلنا فول حتى مرق الطبَّال'.

يسأل: 'شو بتشكي صور نموذج للجنوب مثلاً؟! كيف بدنا نعمل مع الحلفاء إذا حزب الله حليفنا مثلاً؟ الشيعة اللي بالجنوب المعارضين للحزب، بس يعرفوا إني مسيحي ومع حزب الله، بصيروا يضحكوا عليي، إنو طلاع شوف شو في بالجنوب'.

فالرحباني، على الرغم من ممانعته، لم يكن يومًا نصيرًا للون الواحد، ولا للحزب الواحد، ولا للصوت الواحد. فهو بقي في بيروت 'الغربية' لأنها كانت مختلطة ايام الحرب، ولم يلذ ببيروت 'الشرقية' المسيحية آنذاك لأنه يفضل هذا الاختلاط.

والخاتمة، خاتمة أحزان الرحباني، هي في قراره: 'بدّي فل على روسيا خلص، قرفت من هون، بروسيا بيعرف الواحد حالو شو عم يشتغل، وعندي مشروع مع تلفزيون روسيا اليوم رح إشتغل عليه من هونيك'.

مصدر: sarayanews.com

إلى صفحة الفئة

Loading...